Friday, October 26, 2018

HABARI | WASANII WA BONGO FLAVA KUANZA KUIMBA MUZIKI WA INJILI.

Staa wa Muziki wa Injili kutoka Nchini Tanzania anayetamba na video yake mpya iitwayo Kishindo Irene Robert amefunguka mbele ya blog ya Famara News na kusema kuwa ''anaanzisha kampeni ya kuhamasisha vijana wanaoimba muziki wa Bongo Flava waaanze kuimba muziki wa injili''.

Alisema kuwa amekuwa na mzigo huo kwa muda mrefu wa kutaka waimbaji hao wanaoimba muziki huo wa Bongo Flava wakibadilika ili waanze kumwimbia Mungu na waache kuimba nyimbo alizoiita nyimbo za Mapenzi. ''Vijana wengi wana sauti nzuri sana lakini wanamwimbia mtu asiye na majibu katika mahitaji yao'' alisema Irene Robert.


Irene alisema kuwa kwa sasa ameanza kufanya mawasiliano na baadhi ya wasanii hao ili kuanza kuwapa neno la uzima ili watumie sauti zao kwa njia nzuri ili waanzae kumtukuza Mungu na sio kumtukuza miungu mingine. Irene alisema hapendi kuona wasanii wazuri wenye sauti nzuri wanaendelea kuimba muziki huo ambao hauna manufaa katika na kukupa uzima wa milele.


Irene ambaye ni Mkurugenzi wa Kampuni ya Kishindo Investments na Mtendaji Mkuu wa Taasisi ya Kishindo Foundation alisema kupitia taasisi zake ana mpango wa kufanya mambo makubwa katika nchi ya Tanzania na nje ya Tanzania maana Mungu amempa neema na kibali na sauti nzuri ili aweze kumtumikia na kuisaida jamii. Pia kwa sasa alisema kuwa ameanza kuzalisha tisheti ya jina lake Kishindo ili kuwafikia watu wengi zaidi. Pamoja na hilo alisema bidhaa nyingi zinakuja kutoka kwake kikubwa wananchi waendelee kumwombea na kumkubali ili afike mbali. 

KUTAZAMA VIDEO YA WIMBO WA IRENE ROBERT KISHINDO HUU HAPA CHINI. Utakumbuka IRENE ROBERT juzi kati alifunguka katika Exclusive Interview mbel ya kamera ya AYO TV na Millard AYO na kuzungumzia kutamani kuwaona wasanii wa muziki wa kizazi kipya (Bongo Flava) kuanza kuimba muziki wa Injili ambao utamtukuza Mungu. TAZAMA INTERVIEW HIYO HAPA CHINI.

SHARE THIS

Facebook Comment

0 comments: